a możno się przedstawimy co dziołchy? bo co jak co ale tu sie klepiymy a dojś nołs je co nicki mo bezimiynne jak joł:) no to jo je Ewelina -miło mi

no dobra! ja żem jest Hanna,ale nie trza mi Hanna napinkalać co nie? styknie mi Hania czy jak wom tam lepi dziołszki moje.
Ja se tak mysle co mi bajtel zasnął w sekunda i se dychłam to zaro mi sie w łepie coś narobiło i se kołocz chce upichcić ale nikaj nie umiem se wymyślić jaki co by sie nie skonczylo jak ze zemiokami. a jako ślunska baba z Katowic na sobota by sie przydalo co zrobić. Mocie pomysł jaki? ino mi tu Iza nie godej że mom jakis z kremem robić bo sie oblekniesz i na zot mi do sklepu po taki z pudełka zalecisz.
A tak mnie tera nęci i zapytoc musza. Lecicie se czasem od sasiadki pożyczyć jajko,bo jo lotom no stop a to po jajko a to po marchewka,a kiedyś se nawet zaleciałach po rajtki po mi oczko poleciało.

Ja ni wazylach dzisioj nic bo nie chcialo mie sie. Chlop przyszedl z roboty to zech wsadzila pizza do piekarnika i musiol zjyjsc co dostol bez zodnego " ale" :) yno zech malej zrobila zupa. Widza ze po imieniu sie przedstowiocie to jo zech je roksana :) inoczyj moze byc roki zeby bylo mnij do pisania. I pozdrawiom kolezanki z rybnika i knurowa bo zech je z żor mieszkola zech w rybniku przez 2 lata ale terazki zech jest w uk

Witoj Roki czy mysmy sie nie spiknęly roz na fejsie? a jo dali nie wim co za kolocz upiec...

niech no ja Wos teraz tu spisza:
Iza
Ewelina
Roksana=Roki
Asia
Jo

Hey Hania upiecz se kołocz z makym :) mi mogecie Ewka pisać się nie pogorsza, bo widza imię mom duge:) jo się dziołszki biera za sprzontanie, moja mama wzioła małoł na spacyr to jo się musza dać, choć mi sie nie chce

dobry dziołszki, co tam u wos slychac? jo juz niy spia, jakos mi sie zakodowalo wstowanie rano bo w tydniu stowom wczas chopowi robic sznity do roboty i juz spac niy umia, moje cery jeszcze spiom, cieniu łone to majom spanie ja, łoby dwie wczoraj usnyli po 20 i śpiom do tera, a modo moja to w ogole to mo kajs picie mlyka w nocy, łod urodzynio mi przesypio, boło pora takich nocek co sie łobudziyła ale to zymby ji wylazily. Co dzisioj warzycie na łobiod? Jo mom to co niydziela, tradycyjny ślonski łobiod:zupa z nudlami, kloski, zołza, modro kapusta i miynso.

Hania ni to zech ni bylo jo widziola zech ze tukej jest pora dziolch z tym iminim

no co innego na łobiod jak nie ślonski :) musi być przeca zupa z nudloma , kluski zołza ,kapucha no i miynso:) czyli standard. moja mało sie tera łobudzioła paczi jak jo pisza do wołs, wczora usła cojśik o 19 do tera. moja łod trzech tydni przesypioł mi noce. jak sie urodzioła to stołwała co trzi godziny, pon dwa razy w nocy a tera mi śpi jak suseł.zymbole jyj idom ale nie chcą pierony wylyjź. już  dugo sie ślini jak buldog, gryjzie wszysko łod mojyj rynki po piloty , niedolwno jyj sie nawet wysypka zrobiła łod tego wszyskiego, a tu dalyj nic, czekomy

witejcie frelki ! co taam u wos? cieniu wstowom rano, pacza bez łokno a tam dyszcz. Musza jechac dzis do urzyndu a tak mi sie niy chce. Łobiadu dzisiej niy warza, mom ze wczoraj.